ऋषिकेश देवडेकरची अटक महत्त्वाची: मुक्ता दाभोलकर

Share This Post

 

ज्येष्ठ पत्रकार आणि सामाजिक कार्यकर्त्या गौरी लंकेश यांच्या हत्याप्रकरणातील मुख्य आरोपी ऋषीकेश देवडेकर याची अटक महत्त्वाची आहे, अशी प्रतिक्रिया दिवंगत सामाजिक कार्यकर्ते नरेंद्र दाभोलकर यांच्या कन्या मुक्ता दाभोलकर यांनी व्यक्त केली आहे.

सामाजिक कार्यकर्ते नरेंद्र दाभोलकर, कॉ. गोविंद पानसरे, कलबुर्गी आणि गौरी लंकेश यांच्या झालेल्या हत्यांमधील आरोपींचे एकमेकांशी कनेक्शन आहेत; हे आतापर्यंत अटक झालेल्या आरोपींकडून मिळालेल्या माहितीतून सिद्धही झाले आहे. त्यामुळे देवडीकर याच्या अटकेनंतरही यादृष्टीने तपास पुढे जावा, अशी अपेक्षा मुक्ता दाभोलकर यांनी व्यक्त केली आहे. एका वृत्तवाहिनीला दिलेल्या मुलाखतीत त्या बोलत होत्या.

त्या म्हणाल्या, ‘फरार असलेला मुख्य आरोपी ऋषीकेश देवडीकर याची अटक महत्त्वाची आहे.
या माणसाचा शोध तपास यंत्रणा घेत होती. विशेष म्हणजे याआधीचा आरोपी पकडल्यानंतर गेले ६-८ महिने तपास पुढे जात नव्हता. या पार्श्वभूमीवर ही अटक महत्त्वाची आहे. या सर्व आरोपींचं एकमेकांशी कनेक्शन आहे, त्यामुळे त्याचा अन्य तीन खुनांच्या दृष्टीने तपास व्हावा.’ पुण्यातून अमोल काळे याला झालेली अटक त्यातून माहित मिळत कर्नाटक एसआयटी देवडेकरपर्यंत पोहोचली. ऋषिकेश देवडीकर उर्फ मुरली (वय ४४ वर्षे) याला अखेर अटक करण्यात आली आहे. गौरी लंकेश हत्येचा तपास करत असलेल्या विशेष तपास पथकाने (एसआयटी) झारखंडमधील धनबाद जिल्ह्यात कतरास येथून ऋषिकेशला बेड्या ठोकल्या. ऋषिकेश हा मूळचा महाराष्ट्रातील औरंगाबादमधील असून तो ओळख बदलून धनबादमध्ये राहत होता. दरम्यान, गौरी लंकेश हत्येप्रकरणी आतापर्यंत १८ आरोपींना अटक करण्यात आली आहे.

गौरी लंकेश यांची ५ सप्टेंबर २०१७ रोजी बेंगळुरूत हत्या करण्यात आली होती. तीन हल्लेखोरांनी घरात घुसून गौरी लंकेश यांच्यावर जवळून गोळ्या झाडल्या होत्या. या हल्ल्यात गौरी यांचा जागीच मृत्यू झाला होता.

0 Reviews

Write a Review

Goa News Hub

Read Previous

No power tariff hike for now- Minister

Read Next

कोकणासाठी स्वतंत्र विद्यापीठ स्थापन होणार?

Leave a Reply