परवरी: गोंयच्या फूटबॉलाचो दर्जो खालावला अशी खंत आज खेळामंत्री मनोहर आजगांवकर हांणी विधानसभेंत उक्तायली.
सरकार फुटबॉलाक जाता तितलें प्रोत्साहन करता पूण फूटबॉलाचो दर्जो वयर सरना अशें आजगांवकार सांगले. प्रस्नोत्तराच्या तासाक फुटबॉलाचेर सांत आंद्रेचे आमदार फ्रांसीस सिल्वेरा हांणी विशय मांडलो.
गोंय सरकाराक फुटबॉलाखातीर मदत करता पूण जाय तशें खेळगडे फुडें सरना अशें आजगांवकारान सांगले.
बाणावलेचे आमदार आनी चर्चिल ब्रदर्साचे धनी चर्चिल आलेमांव हांणी मात मंत्र्याच्या विधानाक आक्षेप घेतलो. गोंयचे कितलेशे खेळगडे आमी फुडें काडल्या अशें तांणी सांगले.