” गोविंद गावडेन आमच्या पक्षाक शिकोवचें न्ही “

0
452

पणजे: अपक्ष आमदार गोविंद गावडेन महाराष्ट्रवादी गोमंतक पक्षाचेर केल्ल्या टिकेक पक्षाच्या पदाधिकाऱ्यांनी जाप दिल्या.

मगो चे कार्यकारी अध्यक्ष नारायण सावंत, उपाध्यक्ष रत्नाकांत मार्दोळकर हांणी म्हटलां .

अपक्ष आमदार गोविंद गावडेन पोरकट आनी नाटकीय भाषा बंद करची . आयची गोंयची परिस्थिती दोळे उगडून पळोवची.

मगो पक्ष हो बहुजन समाजाचे हित दोळ्या मुखार दवरून आयला म्हणून ५७ वर्सां गोंयांत आसा.

मगो पक्ष बहुजन समाजाचें हित दोळ्या मुखार दवरता.

आज जी पाच – स म्हयन्यांची परिस्थिती गोंयची जाल्या त्या बद्दल मगो पक्षाच्या अध्यक्षान भाष्य केल्लें आसा. आज एकूय केबिनेट मिटिंग जायना, मायनिंग चो विशय सुटना, बेरोजगारीचो विशय सुटना, नुस्त्याचो विशय सुटना, नवे प्रकल्प येवनूय लोकांक रोजगार मेळना, पर्यटनाचो प्रकल्प ना, विजेची समस्या वाड्ल्या. हे सगळें आसतना ताची नोंद मगो पक्षान घेतल्या आनी सरकारच्या निदर्शनाक हें हाडलां.

मगो पक्ष निश्चित डिसेंबर १५ मेरेन सुधारणा जाता काय ना हाचेर लक्ष दवरून आसा. नाजाल्यार १५ डिसेंबर मेरेन निर्णय घेतले. गोविंद गावडे सारख्या अपक्ष आमदारान आमकां सांगपाची गरज ना. जनतेचे हित पळोवन मगो पक्षान निर्णय घेतला.

गोविंद गावडे लोकांखातीर कितें करता हाची पावती प्रियोळचे लोक ताका योग्य वेळार दीतले.

LEAVE A REPLY

Please enter your comment!
Please enter your name here