ओल्ड गोवा : भायल्या राज्यांतल्यान येवपी नुस्त्यांचेर फॉर्मेलीन वापरतल्याचो भंय आशिल्ल्यान जो मेरेन अत्याधुनिक प्रयोगशाळा गोंयांत सुरु जायना तो मेरेन आयात बंद करची अशी मागणी गोवा फॉरवर्ड पक्षाचे मुखेली विजय सरदेसायान केल्या.
गोंयच्या नुस्त्या मार्केटांनी, खास करून फातोड्डेच्या मार्केटांत सामसूम आसता. नुस्त्यांत फॉर्मेलीन आशिल्ल्याची भिरांत आशिल्ल्यान लोकांनी मार्केटाकडेन फाट केल्या अशें तांणी म्हटले.
गोंय सरकारान केंद्रीय वाणिज्य मंत्री सुरेश प्रभूंक मेळून गोंयांखातीर अत्याधुनिक प्रयोगशाळेची मागणी केल्या.
केंद्रात गोंयांखातीर हि प्रयोगशाळा मान्य केल्या. जो मेरेन हि प्रयोगशाळा तयार जायना तो मेरेन नुस्त्याच्या आयातीचेर बंदी घालची अशें सरदेसायान मागलां.
एकदा हि प्रयोगशाळा सुरु जाली कि नुस्त्या बरोबर हेर खाद्य पदार्थांचीय चांचणी हांगा करपाक मेळटा अशें तांणी म्हटलां.