सिंधुदुर्ग – बांदा-सटमटवाडी येथे जिवंत गावठी बॉम्ब बाळगल्याप्रकरणी एकाला ताब्यात घेण्यात आले आहे. त्यांच्याकडून तब्बल ३० हून अधिक गावठी बॉम्ब जप्त करण्यात आले आहेत. ही कारवाई सायंकाळी स्थानिक गुन्हा अन्वेषण शाखेच्या पथकाकडून करण्यात आली. याप्रकरणी एकावर गुन्हा दाखल करण्यात आला आहे. सादीक अन्वर खान, बांदा-सटमटवाडी असे संशयिताचे नाव आहे. या घटनेबाबत बांदा पोलिस निरीक्षक शाम काळे यांना विचारल असता त्यांनी या घटनेला दुजोरा दिला आहे.