उटंगाराच्या पावसान सोनाळ गावांचो संपर्क तुटलो

0
324

उटंगाराच्या पावसाचो सत्तरीतले सोनाळ गावांक बरोच फटको बसला. वाळपय वचपी गावातलो रस्तोय उदकापोंदा गेल्ल्यान गांवचो शाराकडेन संपर्क तुटला. गावातले एक जुने पायरीचे झाडूय वाऱ्याक लागून पडले. मात वाळपय-सोनाळ रस्तो उदकापोंदा गेल्ल्यान सुवातेर फायरब्रीगेड पावंक शकली ना. निता गांवकार, रमेश मोशेतकर हांचे घरार झाडा पडिल्ल्यान बरेच लुकसाण जाले. सगळी झाडा कुशीक काडपाक शिवराम राणे, नेताजी गांवकर, दाजी मोरे, किशोर नाईक, आटुलो गांवकर, दिपु गांवकर, विशाल गांवकर, नामदेव गांवकर, उल्हास गांवकर, सुजय गांवकर, प्रशांत नाईक, बाळू राणे, जितू मोरे ह्या आनी हेर तरणाट्यानी वावर केलो. गावातल्या म्हादयचे देगेवेल्या कुळागारानी उदक भरिल्ल्यान सुपारी, केळी, अनसा हे पिकावळीचेय खूप लुकसाण जाले.

LEAVE A REPLY

Please enter your comment!
Please enter your name here